Viglúndar Saga

Cap: i.

Haralldr hinn Haarfagre var Son Hálf‐
‐dánar Svarta: hann var Einvalldz Konungr
yfer Noregi er Saga þeſſe giørþiſt: hann tók ung‐
‐ur Konungdom. Haralldr var allra manna vitr‐
‐aſtr, oc vel buenn at øllum Iþrottum, þeim ſem Kon‐
‐úngs tign byriadi: Konungr hafþe mikla Hird
um ſik, ok valde þar til hina ágiætuſtu menn, þá ſem
reinder voru at miklu hardfeinge, ok mørgum frægd‐
‐ar verkum. Ok ſo ſem Konungr girntiſt at hafa
med ſier hid beſta mannval, þá voru þeir at øllu
betr halldner, enn nockrer menn í landenu. Þvi
Konúngr ſparde huorki vid ſína menn fie nie full‐
‐tíng, ef þeir kunna at giæta. Eigi var med min‐
‐na móte, at þad hlydſt óngvum í móte at giøra
Konungs vilia: ſumer urdu landflotta fyrer hønum;
enn ſumer drepner: ok kaſtade Konungr ſinne eign
á allt þad þeir áttu epter. Enn margir mikils‐
p. 2 ‐háttar menn þoldu eigi áløgur Konungs, ok flý‐
‐du ur Norege, þeir ſem voru af ſtorum ættum;
ok villdu helldr flya Odul ſín, enn liggia under á‐
‐naudar oke Konungs: ok leitudu til jmſta landa.
A hans døgum bygdiſt miøk Iſland: því þangat flu‐
‐du þá marger mikils háttar menn, þeir er eigi þol‐
‐du ofríki Harallds Konungs.